Юхо, Я. А.

За вольнасць нашу і вашу: Тадэвуш Касцюшка. – Мн.: Навука і тэхніка, 1989.- 52 с.: іл.(Нашы славутыя землякі).

ISBN 5 -343-00619-1.

Юхо И. А. За нашу и вашу свободу: Тадеуш Костюшко.

У папулярнай форме апавядаецца пра нашага земляка Т.Касцюшку, выдатнага палітычнага і ваеннага дзеяча Рэчы Паспалітай, кіраўніка нацыянальна-вызваленчага паўстання 1794 г., удзельніка вайны паўночна-амерыканскіх калоній супраць англійскага ўладарніцтва, чалавека, які быў у цэнтры палітычных падзей таго часу ў краінах Еўропы і Паўночнай Амерыкі.

Для шырокага кола чытачоў.

Юхо, Я., Емяльянчык, У.

Нарадзіўся я ліцьвінам…: Тадэвуш Касцюшка. – Мн.: Навука і тэхніка, 1994. – 68 с., [9] арк. іл..; партрэт. - (Нашы славутыя землякі).

ISBN 5–343-01483-6.

У папулярнай форме апавядаецца пра слаўны і драматычны лёс Андрэя Тадэвуша Касцюшкі (1745 (6) – 1817), нацыянальнага героя Беларусі, Злучаных Штатаў Амерыкі і Польшчы, ганаровага грамадзяніна Францыі.

Для шырокага кола чытачоў.

Бензярук, А.

“Касцюшкі-Сяхновіцкія. Гісторыя старадаўняга роду”/ А.Бензярук. – Брэст: “Издательство Академия”, 2006. – 121 с.

Анатоль Бензярук у сваёй працы паставіў за мэту ўзнавіць генеалогію старажытнага роду Касцюшкаў-Сяхновіцкіх. Шматгадовая праца даследчыка не можа не ўражваць сваёй падрабязнасцю. Беручы пад увагу, што шматлікія генеалагічныя звесткі, створаныя яшчэ продкамі былі знішчаны падчас Варшаўскіх пажараў 17 стагоддзя. Гэта выданне адметна тым, што з’яўляецца сапраўднай данінай памяці славутаму роду Беларусі, які падарыў свету героя. Кніга даследчыка прапануе таксама бібліяграфію, у прыватнасці артыкулы з раённых, абласных, рэспубліканскіх газет і часопісаў, прысвечаныя змагару за свабоду– Тадэвушу Касцюшку.

Несцярчук, Л.М.

Андрэй Тадэвуш Банавентура Касцюшка: Вяртанне героя на радзіму/ Л.М.Несцярчук. – Брэст: ААТ “Брэсцкая друкарня”, 2006. – 296 с.: іл.

ISBN 985-6665-93-0

Ілюстраванае навукова-папулярнае выданне “Андрэй Тадэвуш Банавентура Касцюшка: Вяртанне героя на радзіму” прысвечана жыццю і дзейнасці знакамітага ўраджэнца Берасцейшчыны, адраджэнню і папулярызацыі ягонай гістарычнай спадчыны.

Кніга рэкамендуецца гісторыкам, рэстаўратарам, музейным і бібліятэчным работнікам, выкладчыкам, студэнтам і навучэнцам вышэйшых, сярэднеспецыяльных і сярэдніх навучальных устаноў, турыстам і гасцям вобласці, даследчыкам і ўсім прыхільнікам зберажэння і аднаўлення матэрыяльнай і духоўнай спадчыны знакамітых людзей Беларусі.

Ліхадзедаў, У. А.

Тадэвуш Касцюшка на старых паштоўках і ў графіцы/ Уладзімір Ліхадзедаў. – Мінск: Тэхналогія, 2011. – 255 с.: іл.

ISBN 978-985-458-218-4.

Кніга прысвечана Тадэвушу Касцюшку (1746-1817) – выдатнаму вайсковаму і дзяржаўнаму дзеячу Рэчы Паспалітай і Злучаных Штатаў Амерыкі, кіраўніку паўстання 1794 года. Тут упершыню на чатырохстах даўнейшых выявах адлюстраваныя жыццё і дзейнасць славутага ўраджэнца беларускай зямлі. Паказаныя мясціны, у якіх ён жыў і змагаўся, планы і выявы бітваў, партрэты ягоных сяброў і паплечнікаў, мемарыяльныя знакі і помнікі, а таксама вуліцы, паркі і школы, названыя імем Касцюшкі. У аснове кнігі – найбагацейшы збор паштовак аўтара.

Для шырокага кола чытачоў.

FaLang translation system by Faboba

Новости

2016 Мемориальный музей-усадьба имени Т. Костюшко